Beni isan verênde xorê pırên bo
Nınga xo zıxm hardê xo sero bo,
Eke hewesê işlig pırênê şari bo
Vêşan têşan maneno bê lome bo…
Qederê de niyanên nêbeno. Her qom de her isan qederê xo esas ebe xo kıvşe keno. Sebeb u mıneta ra ke gırê medo, şexıs ebe xo kıvşe keno. Raa u dırbanê xo. Welat u dügelê ke zaf peyde mende, zaf şiyêre jubini vanê qederê ma juyo. Ma şibimere jubini. Sistem rejim, dewlete monarşi ya ki diktatorêni ebe senê zagon idare kenê. Helbet tesire xo qom u isana sero beno.
Gımgımi çand hardlerzê gırsi derbaz kerdê, hatani nıka. En gırsê xo serra 1966 19 ağustose de bi. Nezdiyê hirê hazar isana weşiya xo kerde vindi. Şidetê xo 6,9 bi. Kemere kemere sero nêmende. Bonê çamur u kemera ra amê vıraştene pêro rıjiyai. Hardlerz eke ebe şewe bibiyênê. Sedine de neway % 90 isani pêro merdênê. Her kes heni vano. Çımke bonê xo sağlem nêbi. Wella ke kerdbi bona ser zaf gıranebiye. Dewlete texta ra baraqê kusi vıraşti 9 m2 19 ağustose bi miladê Gımgımi. Eke orneg bıdime; verê hardlerzi, hardlerzi dıma. (M.Ö….M.S) Zafêrê isana şi şeheranê pila. Edena, Mêrsin İzmir, Estamol. Nê caya ki xêlê çetıni onti. Kar, mesleg hostatêni çinêbiye. Vêşan têşan mendi. Wertê serre dı seri de, xêlê kesi cêray ra welat. Onci bonê kemer u wele, tene ki ebe texta u sacira day vıraştene. Çımke ê baraqanê kusiya de heyat nufusê qerebelıği ca nêbiyênê. Zê qula heşi bi. Dewlete ma kerdime xo vira. Payjo 1993 / 94 de. Tene bonê qışkeki vıraşti, dı odê u nemi bi. 28 seri ra dıme. Wertê nê 28 serra de ma kerdime xo vira…. Ez van ma ra hesnêkerd, qimet nêda ma…. Vake; ‘elewiyê, qızılbaşê, Zazayê, Kurmancê, qoministê’ namê ma zaf bi. Na dewlete m ara hesnêkerd….
Roja ewroyı ki, wazenê hardê ma, merga, hêga, koanê ma, çem u golanê ma ejnebiya u dügellarê kirakerê. JEO TERMAL. No ki êno no mane ke. Koê ma bê mal, mergê ma, bê vaş, hêgaê ma bê genım, hardê ma leğem kenê. Bina ma kene teng fatasnenê. Nêweşiyanê teza made vejenê.. Ma ebe zor welatê ma ra danê koçber kerdene. Endê ma rınd zaneme ke, na dewlete ma ra hes nêkena. Wazena ke, Erebanê Suriya, tataranê Kırımi,, tırkanê uygura biyaro bıkero wayırê hardê ma. Politıka na dewlete vera ma hao bi sed serre, senênbi roja ewroyı ki, politıka xo qe nêvuriye..
Coka ewro ki, weşiya ma tede nêkeno. Waxto ke na proje heyat bıvêno, ende ma qomê ma wayırê çiyê nêbeno. Hetê ekonomi, hetê weşiya xo ramıtene bena jar, bena zeher. Sosyal medya de Gımgımıja u dostane ma xêlê dest da ma. Wayır vejiyai. Onciko şenıko. Çımke tırkiya de honde komel u seba heqa isana kar kenê. Partiyê siyaseti, hunerbend u roştberi. Tenê xo tı vana biye kher. Cıra veng nêvejino. Tımi ma de ina ki ebe çımê dewlete niya do. Coka vengê xo nêvejenê. Na proja ende qomê marê biya zê çiye biyene ya ki merdene….
Welatê ma ebe huiyayışê ma beno khewe
Seba pera u gocori şımarê mısade nêkeme
Teyr thurê çola, ciran haval u dostê mayê
Bıbo bıbo şıma, gemeriya xo de bıpoyiyê
Niviskar Kemal Akay